2024 жылғы 10-22 маусым аралығында Алматы қаласындағы «Қ.И. Сәтбаев атындағы ҚазҰТЗУ» КЕАҚ Әскери істер институтының базасында «ӘСЗО» акционерлік қоғамы алғашқы әскери-технологиялық дайындық (АӘТД) пәнінің оқытушы-ұйымдастырушыларының біліктілігін арттыру курстарын өткізді. Тыңдаушылармен теориялық біліммен қатар әскери бөлімдер базасында жауынгерлік, атыс, медициналық дайындық, геотактика және басқа да пәндерді оқыту әдістемесі бойынша практикалық сабақтар өткізілді. Бұл іс-шара мұғалімдердің кәсіби шеберлігін және олардың АӘТД оқыту міндеттерін орындауға дайындығын арттырудағы маңызды қадам болды. 28 гвардияшы-панфиловшылар саябағында мемлекеттік куәліктерді тапсыру рәсімі өтті.