«Әскери-стратегиялық зерттеулер орталығы» АҚ жалпы білім беретін мектептердің 10-11 сынып оқушылары мен техникалық және кәсіптік білім беру ұйымдарының студенттері үшін «Алғашқы әскери даярлық» (АӘД) пәнін жаңарту бойынша жүйелі және ауқымды жұмысты жалғастыруда.

Бастама жастарды әскерге шақыруға дейінгі даярлау жүйесін жаңғырту жөніндегі мемлекеттік саясат шеңберінде іске асырылады және өскелең ұрпақтың бойында ұлттық қауіпсіздік пен қорғаныс саласындағы тұрақты білімді, практикалық дағдыларды және құндылық бағдарларын қалыптастыруға бағытталған. Оқу бағдарламасын жаңарту қазіргі заманғы сын-қатерлер мен қатерлерді, сондай-ақ азаматтарды әскери қызметке даярлауға қойылатын өзекті талаптарды ескере отырып, пәннің мазмұнын кешенді қайта қарауды көздейді.

Қазіргі уақытта ҚР Қорғаныс министрінің бас инспекторы – көмекшісі лауазымын уақытша атқарушы э.ғ.д., профессор А.Н.Төлембаеваның жетекшілігімен жаңа оқу бағдарламалары мен оқу-әдістемелік материалдарды, соның ішінде заманауи оқулықтарды, оқытушыларға арналған әдістемелік құралдарды және цифрлық білім беру ресурстарын әзірлеу жүргізілуде. Оқытудың практикалық бағытын күшейтуге – практикалық сабақтардың үлесін кеңейтуге, тактикалық, инженерлік және медициналық дайындық элементтерін енгізуге, сондай-ақ заманауи технологияларды қолдану негіздерін оқытуға ерекше назар аударылады.

Аталған шараларды іске асыру жастарды әскерге шақыруға дейінгі даярлау сапасын арттыруға, білім алушыларда патриоттық сананы, мемлекеттің қауіпсіздігі үшін жауапкершілікті және азаматтық және әскери борышты орындауға дайындықты қалыптастыруға ықпал ететін болады.