2021 жылғы 20 мамырда "Әскери-стратегиялық зерттеулер орталығы" АҚ-да ҚР-дағы АҚШ елшілігі өкілдерінің қатысуымен американдық мамандар Марк Тобиас және Григорий Форд жарылыс қаупі бар заттарды минадан тазарту және залалсыздандыру саласында сарапшылық кездесу өтті.

Кездесу барысында сарапшылар жарылыс қаупі бар заттарды табу және тазарту, инженерлік әскерлердің мамандарын даярлау, сондай-ақ халықаралық бағдарламаларға, жобалар мен операцияларға сапер әскери қызметшілерінің қатысуымен гуманитарлық минадан тазарту бойынша өз білімдерімен бөлісті.

Кездесу қорытындысы бойынша тараптар "Әскери-стратегиялық зерттеулер орталығы" АҚ мен Golden West гуманитарлық қоры арасындағы ғылыми байланыстарды кеңейтудің өзектілігін атап өтті.