Үш өлшемді тренажердің бағдарламалық жасақтамасын әзірлеу және енгізу жөніндегі жұмыс кеңесі

2026 жылғы 4 наурызда «Әскери-стратегиялық зерттеулер орталығы» АҚ базасында әскери даярлыққа арналған интерактивті сабақтары бар үш өлшемді симуляторды бағдарламалық қамтамасыз етуді әзірлеу және енгізу жөніндегі жобаны іске асыру мәселелері бойынша жұмыс кеңесі өтті.

«Компания ФИНИСТ» ЖШС өкілдерімен кездесу барысында жүйенің негізгі модульдерінің дайындығын қоса алғанда, техникалық тапсырманы орындаудың ағымдағы мәртебесі қаралды: тыңдаушыларды тіркеу және есепке алу, оқу процесін басқару, қашықтықтан оқыту, қорытынды тестілеу, сертификаттар және 3D-симулятор қалыптастыру.

Ақпараттық қауіпсіздік, жүктемелік тестілеу, сондай-ақ ұлттық деңгейде АӘТД ұйымдастырушы-педагогтерінің біліктілігін арттыруды есепке алуды қамтамасыз ету үшін оқытушының үздіксіз кәсіби дамуының ұлттық «Ұстаз» платформасымен интеграция мәселелеріне ерекше назар аударылды.

Кеңес қорытындысы бойынша әзірлеуді аяқтау және жүйенің MVP-нұсқасын іске қосуға дайындық бойынша одан әрі қадамдар айқындалды. Жұмыстардың орындалуын бақылау жоспарлы режимде жүзеге асырылады. Жоба әскери даярлықтың заманауи цифрлық ортасын құруға және мамандардың кәсіби даму сапасын арттыруға бағытталған.