2023 жылғы 13 қазанда Алматы қаласында «ӘСЗО» АҚ Вице-президенті уақытша зерттеу тобының мүшелерімен және ғылыми жоба шеңберінде әзірленетін бірыңғай әскери білім беру платформасы бағдарламасын әзірлеушілермен кездесу өткізді. Кездесу барысында frontend және backend бағдарламалары зерделенді, бағдарламаны іске асыру бойынша қабылданған шешімдер талқыланды, оны жетілдіру бойынша ұсыныстар енгізілді.

Ерлан Карин зерттеу институттарының басшыларымен кеңес өткізді. Онда сараптамалық-талдамалық қызметтің сапасын арттыру, басқару орталықтарының өздері мен мемлекеттік органдар арасында, оның ішінде өңірлік деңгейде тиімді өзара іс-қимылын жолға қою жөнінде ұсынымдар ұсынылды.

«Әскери-стратегиялық зерттеулер орталығы» акционерлік қоғамының базасында халықаралық қатынастар факультетінің «Аймақтану» кафедрасының филиалы ашылды. Кафедра филиалын құрудың мақсаты білікті мамандарды даярлауды жақсарту, оқу процесінің практикалық бағытын күшейту, сондай-ақ бірлескен ғылыми зерттеулер жүргізу және олардың нәтижелерін өндіріске енгізу болып табылады.

Л. Н. Гумилев атындағы Еуразия ұлттық университеті тарапынан аймақтану кафедрасының меңгерушісі А. Н. Оспанова және әскери кафедра басшысының орынбасары (оқу жұмысы бойынша) подполковник А. А. Омаров қатысты.

Ағымдағы жылы 7 маусым күні «Әскери-стратегиялық зерттеулер орталығы» акционерлік қоғамында директорлар кеңесінің отырысы өтіп, оның қорытындысына сәйкес Қорғаныс министрінің көмекшісі Айгүл Нұралықызы Төлембаева аталған қоғамның Директорлар кеңесінің Төрайымы болып қайта сайланды.