Алғашқы әскери және технологиялық дайындықты ұйымдастырушы-оқытушылардың кәсіби құзыреттілігін дамыту

Курс туралы:
Курс көлемі: 80 сағат
Оқыту түрі: Оффлайн
Оқыту тілі: Қазақша, Орысша
Аяқтау нысаны: Сертификат
Білім деңгейі: бастауыш, негізгі және жалпы орта, қосымша білім беру

Әскери-стратегиялық зерттеулер орталығы ҚР Оқу-ағарту министрінің 2022 жылғы 27 тамыздағы №384 «Педагогтердің біліктілігін арттыру курстарының білім беру бағдарламаларын әзірлеу, келісу және бекіту қағидалары» бұйрығына сәйкес педагогтердің біліктілігін арттырудың білім беру бағдарламаларын іске асыратын ұйымдардың тізбесіне кіретінін хабарлаймыз. Тізімге сілтеме

Курсты өткізудің негізі «Білім туралы» Қазақстан Республикасы Заңының 37-бабы 4-тармағының, ҚР Қорғаныс министрінің 2017 жылғы 12 шілдедегі №347 бұйрығымен бекітілген «Бастапқы әскери даярлық қағидаларының» 11-тармағы 8-тармағының және басқа да НҚА талаптарының орындалуы болып табылады.

«Әскери-стратегиялық зерттеулер орталығы» АҚ (бұдан әрі - «ӘСЗО» АҚ), басқару қауіпсіздік және арнайы бағдарламалар академиясымен (бұдан әрі - БҚжАБА) бірлесіп алғашқы әскери және технологиялық дайындықтың (бұдан әрі - АӘТД) педагог-ұйымдастырушыларының біліктілігін арттыру курстарын өткізеді.

Сіз не үйренесіз:

Курс аяқталғанда тыңдаушылар:

1. Оқу пәнін оқытуда инновациялық тәсілдерді қолдану бойынша білімдерін көрсетеді.

2. Білім берудің жаңа парадигмасының талаптарына сәйкес оқыту процесін жобалайды.

3. Әскери-патриоттық тәрбие сапасын арттыру үшін АӘТД сабақтарында цифрлық білім беру ресурстарын қолданады.

Курстың мақсаты – пәнді оқытудың инновациялық әдістерін зерделеу және пайдалану бойынша орта білім беру ұйымдарының АӘТД педагог-ұйымдастырушыларының, мұғалімдері мен әдіскерлерінің педагогикалық шеберлігін жетілдіру.

Міндеттері:

1. Пәнді оқытудың ұйымдастырушылық-әдістемелік негіздерін білуді өзектендіру.

2. Білім берудің жаңа парадигмасы шеңберінде оқыту мен үйрету жобалау дағдыларын дамыту.

3. Оқыту сапасын арттыру үшін цифрлық ресурстарды пайдалану дағдыларын жеткізу.

«Алғашқы әскери және технологиялық дайындықты ұйымдастырушы-оқытушылардың кәсіби құзыреттілігін дамыту» тақырыбы бойынша біліктілікті арттыру курсының білім беру бағдарламасы қазақ және орыс тілдерінде оқытатын орта білім беру ұйымдарының АӘТД педагог-ұйымдастырушыларына, мұғалімдеріне және әдіскерлеріне арналған.

Курсты жоғары білікті профессор-оқытушылар құрамы, тәжірибелі әскери педагог-жаттықтырушылар, атақты әскери зерттеуші ғалымдар жүргізеді. Сондай-ақ, ӘСЗО курстарын өткізу үшін Оқу-ағарту министрлігінің, ҚМ ,ІІМ, ТЖМ, Қазақстан Республикасы Парламенті Мәжілісінің Халықаралық істер, қорғаныс және қауіпсіздік комитетінің мамандары шақырылады.

Курстың мақсатты аудиториясы: орта білім беру ұйымдарының АӘТД педагог-ұйымдастырушылар, мұғалімдер мен әдіскерлер.

Қорытынды бағалаудан сәтті өткен тыңдаушыларға мемлекеттік үлгідегі сертификат, сондай-ақ тақырыптары мен сағат көлемі көрсетілген сертификатқа қосымша беріледі.

Курс өтуге ниет білдірушілерге е-mail: info@cvsi.kz бойынша өтінім жіберу қажет.

Жүктеу: құжаттар тізімі, өтініш, сауалнама

Қосымша ақпаратты ӘСЗО және БҚжАБА қызметкерлеріне хабарласуға болады:

тел.: 8(7172) 64-34-62 (ішкі 113) сот. тел. +7-775-660-45-67, е-mail: bayakhmetov.s@cvsi.kz

тел.: 8(7172) 25-48-49 сот. тел. +7-702-690-86-95, +7-747-510-43-50

Курс мына мекенжай бойынша өтеді: 010000, Астана қаласы, Мұхтар Әуезов көшесі 2

Курсты өткізуді реттейтін басқа нормативтік құқықтық актілер тізімі:

1. Қазақстан Республикасы «Білім туралы» Заңы;

2. «Педагог мәртебесі туралы» Қазақстан Республикасының Заңы;

3. Қазақстан Республикасының «Әскери қызмет және әскери қызметшілердің мәртебесі туралы» 2012 жылғы 16 ақпандағы Заңы;

4. Қазақстан Республикасы Қорғаныс министрінің «Бастапқы әскери дайындық қағидаларын бекіту туралы» 2017 жылғы 12 шілдедегі №347 бұйрығы;

5. Қазақстан Республикасы Оқу-ағарту министрінің «Мектепке дейінгі тәрбие мен оқытудың, бастауыш, негізгі орта, жалпы орта, техникалық және кәсіптік, орта білімнен кейінгі білім берудің мемлекеттік жалпыға міндетті стандарттарын бекіту туралы» 2022 жылғы 3 тамыздағы № 348 бұйрығы;

6. «Педагогтердің біліктілігін арттыру курстарын ұйымдастыру және жүргізу, сондай-ақ педагогтің қызметін курстан кейінгі қолдау қағидалары» Қазақстан Республикасы Білім және ғылым министрінің 2016 жылғы 28 қаңтардағы № 95 бұйрығына өзгеріс енгізу туралы. Қазақстан Республикасы Оқу-ағарту министрінің 2022 жылғы 3 қазандағы № 415 бұйрығы;

7. «Педагогтердің біліктілігін арттыру курстарының білім беру бағдарламаларын әзірлеу, келісу және бекіту қағидаларын бекіту туралы» ҚР Білім және ғылым министрінің 2020 жылғы 4 мамырдағы №175 бұйрығына өзгеріс енгізу туралы. Қазақстан Республикасы Оқу-ағарту министрінің 2022 жылғы 27 тамыздағы №384 бұйрығы.