2025 жылғы 2 сәуірде Астанада "Әскери-стратегиялық зерттеулер орталығы" АҚ-ң өкілдері қауіпсіздік жөніндегі XI Халықаралық көрмеге қатысты.

Қазақстан мен Орталық Азия үшін қауіпсіздік саласындағы басты алаң болып табылатын бұл маңызды оқиға саланың жетекші мамандарын жинады. Көрме аясында ұлттық қауіпсіздік пен қорғанысты қамтамасыз етуге арналған озық технологиялар, жабдықтар мен өнімдер көрсетілді.

«Қазақстан инжиниринг «R&D орталығы» ЖШС стендіне ерекше назар аударылды, онда «Әскери-стратегиялық зерттеулер орталығы» АҚ әзірлеген модульдік үлгідегі барлау-соқпалы теңіз экипажсыз қайығы ұсынылды.